"ساییر باییر"

حسرتلی گئجه لر

                      آیسیز گئجه لر

اوره ییمی ایشدن سالمیش گئجه لر

اولدوزلاری داللانمیش گئجه لر

قارانلیق

          قانلی

                  قارلی

                 قانسیز گئجه لر

                              گونش سیز

اومودسوز

باهارسیز

بارسیز گئجه لر

سیزی یاشامیشام یانمیشام.

یانماق یاشام دئییل می؟

"اوخونولماز كيتاب"

اوخونولماز بير كيتابام

گؤزه گلمير

             اودور يارام.

شعره بویلو شانلی قلم-

اؤلسون دييه

                قورخونج الم؛

«قوشا لوله گؤزلريمله»

       بو يانغينين سؤنمه يينه

يالنيز بير يول آنلاييرام،

                           انتيقا م

                                   انتیقام...

           بئهجت آیسان(تورکیه)

                       كؤچورن:بهروزصديق           

1949جی ایلده آنکارادا دوغولوب. 1968جی ایلده آنکارا یونیورسیته سینین طب فاکولته سینه داخیل اولوب ،1971جی ایلده سیاسی سبب لردن حبس ائدیلیب.حبس دن چیخاندان سونرا طب تحصیلینی تاماملاییب. ایلک شعیری1979جی ایلده"تورک دیلی"ژورنالیندا چاپ ائدیلیب.

باهار كيمي                                                                                      

         گلمه ييندن اؤتدو داي ؛                                                           

اؤلوم كيمی

 گلمه ييني گؤزلرم    !                                                                                       

 

Bahar kimi

         gəlməyindən ötdü day , 

 Ölüm kimi

                  gəlməyini gözlərəm     !

 

"محمد حیدری"نین اونودولماز وارلیغینا           

تورپاق اوغلو ايدي،تورپاق اوغلو .  ایشی، آغاجلاری قیشین آغیر  یوخوسوندان اویاتماق ايدي، اویاتماق. یارا یارغان آچمیش اوره کلی اللری له1700 آغاج اکمیشدی. شاختا  داندي آغاجلا رین ،   چیچک لرین آغ یوخوسون قان بویادی. داش باشینا دوشسون باهار، داش باشینا.هم باغیمی الد ن آلدین،هم باغبانی.

ومن ایندی شاختا دانميش

هر آغاجین گؤرکمینده

بیر "ممدین" گؤیرمه سین گؤزله ییره م

گئج ـ گئج دؤنن هرباهاردا

وهر آغاج بیر"ممد" دیر

1701آغاج دیر

کؤنلوموزده قالاجاق دیر.

                                    ياز۸۳  

 

                  آلن بوسكه

                                  (فرانسه)

آيا اينانان

قشنگ آي- اوغلان

آيلي گئجه ده

ساي اؤيره نير دي:

"ايكي خريطه"

"ايكي چار پايي"

اوست- اوسته گلسه

"بئش دير"- دئييردي.

 

                                                                

 ييخيلديم ياشامي

             گؤز ائيوانيمدان.

اوندا کی ائشیتدیم

اومودسوزجاوان

سئوگی سیز،

        چؤرک سیز،

وارلیغی یاوان

خیابان- خیابان

بؤیره یین ساتماغا

                 آدام آختاریر.!

 ترجومه و قئید لر: مسی آغا محمدی

                      كؤچورن :  بهروزصديق              

  " مودئرن "  سؤزو اؤزونون ايشلک و عادي معناسيندا  " موعاصير "  آنلاميني وئرديگي اوچون  " پوست مودئرنيزم "  ايصطيلاحي لاپ اولدن علمي-فانتاستيک حئکايه لرين کلمه لري کيمي خيالي تاثير باغيشلايير. نئجه دئمک اولار کي، حال-حاضيردا و ايندي مؤوجود اولان شئي  " اينديدن سونرا " 1 گله جکدير؟ پوست مودئرنيزمده کي  ائکسپئريمئنتال اووقات و اونون هر شئيين آبسورد اينکارينا مئيللنمه سي باره ده تصوورات بئله بير ضيديتلي تصوور دوغورور کي، گويا پوست مودئرنيزم مومکونسوز شئي لردن بحث ائدير. بير کسين  " من پوست مودئرنم "  دئمه سي عئينن کيمينسه  " من يوخويام "  سؤيله مه سينه بنزه يير. اولا بيلر کي، بئله بير شئي باش وئرسين، آمما بونون معناسي ندير؟ شوبهه سيز،  " مودئرنيزم "  سؤزونو  " مودئرن "  کلمه سي نين يئرينه قويوب، ايضاح ائتسک کي،  " پوست مودئرنيزم "  دئديکده، بيز داها چوخ اينجه صنعت ساحه سينده مؤوجود اولان خوصوصي بير جرياني و تاريخي بير پروسئسي نظرده توتوروق، اوندا بو آنلاشيلمازليق آرادان قالخار. بونونلا بئله، اگر مئسله نی بو جور آيدينلاشديرميش اولساق دا، يئنه  " پوست مودئرن "  و  " پوست مودئرنيزم "  سؤزلري غريبه  سسله نير.  " پوست مودئرنيزم "  سؤزونو نه قدر چوخ ايشله ديريک سه، اونون معما لاریلا بير او قدر چوخ قارشيلاشيريق. 

          چئويرن: بهروزصديق

          قوش اؤلمه لي دير                            

توتولوب اوره ييم

توتولوب اوره ييم

ائيوانا گئديرم وبارماقلاريمي

گئجه نين چكيلميش دريسينه چكيرم

گؤروش چيراقلاري قارانليق دير

گؤروش چيراقلاري قارانليق دير

كيمسه مني گونشه

                 تانيتديرماياجاق

كيمسه مني سئرچه لرين قوناقليغينا آپارماياجاق

اوچوشو ياديندا ساخلا

قوش اؤلمه لي دير.

       قشم نجف زاده               qeshem  necefzade

                     كؤچورن:بهروزصديق           

              köçürən: behruz  seddiq