| تبليغات | X |
قارداشليق شاعيري
دونیا شؤهرتلی بؤیوک تورک شاعیری "ناظیم حکمت" حاققیندا یئترینجه یازیلمیش و اینانیریق دونیا دوردوقجا یئنه ده یازیلاجاق دیر. چونکی زامان اؤتدوکجن ناظیم درک اولوناسی اولاجاقدیر. ناظیم 1902ده گلميش و 1963ده گئتميش دير. گليب و داها گئتمه میش دئسک لاپ دوغرو اولاردی؛ نئیه کی دونیامیزی بزه ین ناغیل یاراشیقلی اینسانلار گئتمه بیلمیرلر. ناظیم ده ائله لریندن دیر. اونونچون اؤلوم تاریخی گولونج بیر سؤزجوک دور آرتیق.
ساده جه اولاراق اینسانلارین بیر اورمان کیمی قارداشجاسینا یاشاماغینا حسرتلی قالاراق اوره یینی مسکووا قبریستانلیغیندا تورپاقدا گؤیرمه یه قویموشلار و آیریلیق یووالی نیسگیل سیمبولو اولان او دیدرگین اوره ک ایندی دونیامیزچون خوللو بوداقلی یاشیل بیر آغاج ساییلیر. ناظیمین شعیرلرینده حیاتین بوتون چالارلاری استئتیک بیر قوه و گوجه یئیه لندییندن اونودولماز و یاددا قالان دیر. ناظیم سئوگی باریش، دوستلوق و ان اؤنملیسی قارداشلیق شاعیری دیر. دونیاداسا ان بؤیوک آزادلیق روح و وجدان آزادلیغی دیر. ناظیمه ایسه بو وجدان راحاتلیغی اینسانلاری باریشا و دوستلوغا چاغریشیندان ایره لی گلیر.
دون
من
شه هرین مئیدانینا گئدیب
اونلار ایچین
قارداشلاریمیزی اؤلدورمیه لیم
اؤلمیه لیم
دئدیم