باهار

آي ماوي تاثير!

آي باهار.

گونش آدديمينين

           گولر سسيله

قاليق دردلريمين

             قانليسي اول سن.

قوي يووا باغلاسين

        گؤز ائيوانيمدا

آغ- آپباق قانادلي

            اوچار گؤيرچين

... وچيچك

         هر سحر

شئهي سسله سين

سوسوزجيياريندا

          حيات بسله سين.

قریب اوچون

                                     اورهان ولی

آنا

بوتون یول اوزونوفیکیرله شیردیم

آنامی گؤرنده نه دئییم اونا

آخی نئچه ایلدی حسرت ایدیم من

اونون گؤزلرینه ، ایستی قوینونا

               ***

اولجه نه دئییم ،نه دن باشلاییم

او قارشیلایاندا ائشیک ده منی

نئچه اوزون گئجه یوخوسوز قالیب

او ییرغالامیشدیر بئشیکده منی

               ***

نئچه گؤزل آرزو، ماراقلی فیکیر

باشیمدا دولاشدی ،یول گئتدیکجه من

آتلار اوچورسادا دؤرد نالا،یئنه

دئییردیم گئج کئچیر واخت بئله ندن؟

                ***

گلدیم ائوه . آنام قارشیما چیخدی

بیر کلمه دئمه دیم،دونوب قالاراق

دوغما بیر آغاجین گؤی بوداغیندان

آسلانان مئیوه تک ،آسلاندیم آنجاق.

                                             شعر: پتوفی

                                             ترجومه: رسول رضا

گه ل دومان

بهروز صديق

چیچک لر آچماغا تله سین داها

                                                                                           شعر:قیصرامین پور   

دؤیوشده ن آتام بس هاچان گله جک؟

سوروشدو بیر اوشاق اؤز آناسیندان

سؤیله دی آناسی:اوواخت کی باهار

غونچالار چیخاندا اؤزلیباسیندان

یئنه ده سوروشدوآنادان اوشاق

نه زامان چیچه ک لر،باهارگله جک؟

سؤیله دی آناسی :اوچاغ کی باغدا

غونچالار دوداغین آچیب گوله جک

صاباح سا باغچانین دالینجا گئتدی

باهاری گزمه گه بیزیم او اوشاق

باغلی دیر دوداغی گؤردوغونچانین

باهارین اییندن غونچالار اوزاق

ای گؤزه ل غونچالار!دئدی بس نده ن

یوموب آغزینیزی گولمه ییر سینیز

چیچک لر آچماغا تله سین داها

بس نییه گولوشه گلمه ییرسینیز

اوهردن غونچایلا صؤحبت ائدیردی

بعضن ده غونچایا اویالواریردی

بعضن ده غونچانین کیچیک یارپاغین

بارماغی اوجویلا یاواش آچیردی.

                                         ترجومه:بهروزصدیق

               انکار موبارک دیر

یالنیز ایره لی یه! بیر یئرده دایانماق عفونت دوغورور.ناغیل لاردا گئری یه باخان قهرمانین داشا دؤنمه سی حادیثه سینی خاطیرلا ییر سینیز می؟گئری یه ـ کئچمیشه باخان اینسان داشا چئوریلمه لی دی.اساطیری دوشونجه لرله یاشایان بابا لاریمیز بو مئسله نی اؤزلری اوچون حل ائتمیشدیر اونلارین کؤچ آرابالاری یالنیز ایره لی یه دوغرو یول آلمیشدی بیر یئرده دایانماق داش اولماق دئمک ایدی.

یازیچی اؤز آدینی ،اثرلرینی آبیده یه چئویر دیینی ،ساغلیغیندا هئیکل(داش) اولماق ایسته دییی آنداجا اؤزونه "کؤهنه لیک "حؤکمو بیچیر،اؤزونو زامانین دورغون حالینا،کئچمیشه بوخوولاییر.زامان سا آمانسیز دیر،اونونلا اوینایان لاری سئومز ،ترک ائده ر. یازیلان لارا،یازدیقلارینا دؤنوب باخمادان ایره لی یه دوغرو!

اوغوز نامه ده دئییلد یی کیمی:"انکار موبارک دیر"

                                                                   راسیم قاراجا

                                                      حاضیرلایان:بهروزصدیق

 1

ات ده ن

سوموک ده ن

قاندان

بیرده ماهنی لاردان یارانمیش

                          اینسان.

2

دنیز

کیمین گوناهکار اولدوغونو آختارمادان

                                  اؤزماوی لیینده

3

اوشاق دیل آچدی:

ـ آتا،بیر باخ،

اوره ییمین ایچیندن قورقوشون تاپدیم.

4

دیققت،دیققت

دانیشیر درد

5

پاییزا اوز وئردیکجه

اوره ک خزه له دونور