| تبليغات | X |
(...)
دوز دالانا باخیردی اوچقون داخمالاری. پاییز گونلری نین بیرینده دالانین قارانلیق
سوواشمیش باشلانغیجیندا ایسلاق ساچلاریلا قارشیما چیخدی. اؤپوجوک گؤرمه میش گوناهسیز دوداقلارین چاتیندا و آلوو باغی گؤزلرینده ایللرین ، آیلارین تانیق سیز آغریلاری یووالانمیشدی.
ـ گئجه نی هئچ یاتمامیشام. گؤزومون یاشینی( اووجونون ایچینی) گؤرسه دره ک بئله – بئله تؤکموشم.
آغلادی
آغلادی
آغلادیق.
؟
اؤلگون کوچه دؤنگه سینده پاییز وورموش بیر آغاج سا یئتیم یارپاقلارینی کوله ک لره باغیشلاییردی.
بایاتی
بهروزصدیق
دوغروداندا دنیزین دادینی،تامینی وئریر بو دؤرد کؤوره ک مصراع دان یارانان ده لی دولو دادلی دئییم. هر مصراعسیندا اولوبیر خالقین آغیر،یانقیلی سیزیلتی لارینی دویورسان. دوشونورسن،دورورسان،اولو کئچمیشینی گؤرورسن. آغ ساققال د ده نین دوغرولمایان ایسته یینی، آغ بیر چک آنانین درده بویلودؤزولمه ین گیلئیینی و بیرسؤزله اوره ک لرده یووالانمیش سئوینج،کده ر. گاه سئوینجین باهاریندان فرحله نیر چیلغین اوره ک، گاه کده رین یوروشوندن یاغمالانیروبؤیله جه دؤرد مصراع لیق سؤز یارانیر.
دوست باغی
مهندس"محمد حیدری"نین عزیز خاطیره سینه
سالام اؤلوم
هاردان بئله؟
- دوست باغیندان.
- آخی باهار...!
- یارام یاد دا قالسین دئییه.
قشم نجف زاده
" داوا- داوا " اويونو کؤچورن: بهروزصدیق
داوا داوا اويناييردي
تورال لا آزاد.
آزاد " فاشيست دي "
تورال پارتيزان
ايکيسي ده خوشبخت، آزاد.
قاچيرديلار هئي آشاغي
يوخاري
بيردن " فاشيست " آزاد،
ووردو بيزيم تورالي.
تورال اَييلدي مئهدي کيمي
کينودا گؤردويو کيمي.
آزاد قيشقيردي: ييخيل، تئز اول!
بيردن تورال
ال آتدي جيبينه،
چيخارتدي " قومباراني " -
بير قيرميزي آلماني.
توللادي، آل.
آلما ديدي آزادا،
آياغي قالخدي گؤيه
باشي بولاندي توزا،
ائشه لندي توز ائله دي
کينودا دا بئله دي.
قوتاردي داوا
باشلاندي اصل داوا-
اوتوروب آزاد
بير قيرميزي آلماني
شيرين - شيرين يئييردي،
يازيق تورال ائله هئي
" وئر آلما " مي دئييردي.