عمران صلاحی دن 3 شعیر

چئویره ن: بهروزصدیق

سرحد

سرحد قیراغینداییدیق

تورپاغی بؤلوردو ایکی یه سو

بو طرف ده بیز ایدیک

اوطرفده اونلار

و اوزاقدانسا گودوکچو قالا نین اوستوندن

                بیزی سئیرائتمکده

وشاشیر میش کیمی من قوشلارا باخماقداییدیم

 اوچا اوچ داهامیسی پاسپورت سیز.

.......................................................................................

باغ ائوی

قوشلارسنی سوروشدو؟

گونش سنی سوروشدو؟

بولاق سنی سوروشدو؟

تکجه آغاج سوروشمادی!

پاییزیندان آنلامیش.

چنگیز آیتیماتوو: منجه آرادا بیر سوسماق لازیمدیر.

       گؤرکملي يازيچي بير مودت اؤنجه يئني بير رومانيني اوخوجولارا تقديم ائديب. بو سورغو همين رومان و چينگيز آيتماتووون سون ايللري حاققيندادير.  

                     قانلی گونش

                          موغان شعری2

                                                              بهروزصدیق

"باغیرتی"

       باغیرتیم

           بوْغولاجاق

                          باغريم باغيندا.

                                          حسرتین کوکسومه ایشله ین آنی

و يوْخلوق ماهني‌سي

اسر دوداغيمدا

                 اكيلن چاغدا،

ديري ـ ديري چورويه‌جه‌يم

بير من اولاجاغام

                     بيرده يانميش

                             باغريم باغي.

      «...»               "کیان خیاو" دان نئچه شعر                    

باهاري

يئره نفس وئرديييندن تاني‌ييرلار؛

مني شئعير دئديييمدن.

گؤره سن آزادليغي نه‌دن تاني‌ييرلار؟

آ...ه!

بلکه يئر اۆزونده گؤيه‌رن قفسلردن.

                         نه بيليم؟

                                اسفند آيي 1372

آتا اول بهرام اوغلو

اوشاغین آناسینا سوردوقلاری و آناسینین جاوابلاریدیر

ـ آنا دونیانین دؤندويو

دوغرومو گئرچک دن؟

ـ باققال دان چؤره ک آل

صاباح دورون تئزدن

ـ آنا ایکی دفه ایکی نین

دؤرد ائتمه سی نه دئمه ک؟

ـ یئنه اوستونو چیرکله دیب سن

خیدمت چین می وار تمیز له یه جک؟

-آنا اولدوزلار

بیزه چوخ اوزاق نده ن؟

ــ سوفره نی سا ل

آتان گلمه دن.

ــ آنا بیزلرین

صاباحین بؤیوگو اولدوغوموز دوغرومو؟

ــ تلویزیونو آچ

ساعات سگگيز اولدومو؟

                      دکتر "داوود شریفی"نین یاشیل روحونا اتحاف

                          "گونش سو ایچمه یه گئتدی"

یاشیل یارپاقلی بیر آغاجین بوداقلاریندا گؤیره ن تومورجوق.اورمان قونشولوغوندا باهار باهار دئییه هایقیران بولاق. ایچیمزده اینسان بئجردن بیر اینسان."وارلی موغان" چؤللری نین امک ایتیر مه ین ناغیل اوغلو. ظولمه قارشی بئش آچیلان"کؤهنه قاراداغ توفنگی"قورتاریجی اللره ییه.گؤیرچین اوچوشونا بنزه ین کؤنول آلان گولوشو. جیسم وروح دیده رگین لیگینه قارانلیقدا مایاق. یاشاماغی بو سایاق. سؤیکنمه لی کؤلگه لی بیر دووار.

"اینجیک آداملارین قاچاجاق یئری"  "اوره یی فاغیر خالقیناوئرمه لی قیزیل بیر آلما" "آل یئره سالما""اؤلوم ده یالاندی،ایتیم ده یالان ،دونیادا موقدس چئوریلمه لر وار"

                            "گونش سو ایچمه یه گئتدی

                                             دونون ده ییشمه یه گئتدی"

تراژیک سوکوت                                                        بهروزصدیق

" نقدین تکی آماجی بو دئییل کی آیری لاری نین یانلیش لارینی ثبوته یئتیره سن،بیز حتتا ایه ر ثبوت ائده ک کی تانینمیش بیر یازیچی یا شاعیر اؤز اثرینده یانلیشا یول وئریب بؤیوک بیر تاپينتي یا و نائلیته ال تاپمامیشیق، تکی اوزامان بو ایشین بیلییه فایداسی اولا بیلركي يازيچي، یا شاعیرين نئجه یانلیشا قاپیلدیغینی گؤسترمیش اولاق." منیم فیکریمجه بو سیلاحا یاراقلانماغین اؤنملی اساسلارین دان بیری ده اثری ده ریندن اوخویوب ، لازیمینجه قاوراییب و اونون ایچ وگیزلین قاتلارینی گؤسترمک له اوخوجویا ویازیچی نین اؤزونه ده چوخ اؤنملی وده یر لی یاردیملار ائتمک اولار.

 19 جی یوز ایللیک ده روس ادبیاتی نین انکشافینا بؤیوک خید مت لر گؤسترمیش "بیلنسکی"مشهور روس یازیچیسی"داستایوسکی"نین رومانین اوخودوقدان سونرا بوتون گئجه نی سحره جن سن پترزبورگون کوچه لرینی ده لیجه سینه آددیملایاراق اونو آختارمیش اولموشدور.

 آذربایجان شعرینده اوره ک یانغي سيلا دئمک اولار کی هله بارماق سایی قده رتنقید چیمیز یوخدوروبو بوشلوق دان یارانان تراژیک سوکوت شعیریمیزچون ساغالماز بیر یارا دیر دئسک یانیلمامیشیق. آمما بو تراژیک سوکوتا واؤلومجول سس سیزلیگه دوستلارین بعضی سی اؤز باجاریق و چالیشقان ليغيلا سون  قویماق ایسته میش لر.وبونو ادبیاتیمیزین انکشافی اوغروندا ان ده یر لی آددیملاردان سایماق اولار.

 نقد اولمایان یئرده یازیچی لار ویا شاعیرلر یازدیقلاری زامان اؤزلری دیققت سیز لیگی سئومه دن وایسته مه دن یانلیشا یول وئره بیلرلر.تنقيدچي بوآرادا قاتي قارانليقدا ايشيق ساچان بير چيراق ديروبيرسؤزله يازارلارين اؤزلري اؤزلرينه وورلماغادوزگون آنلامدا قاداغا يارادان اصيل صنعت آدامي. وشعريميزين گوجو و گوجسوزلويو‘يؤنلريني آچيب آغاردان بيريسي.  آراشديجي لاري آذربايجان شعرينه بير ايستي اوجاق كيمي ياناشديغيندان غرور دويوروق وبو ادبياتيميزين اوزو آغليغي دئمك دير . فرانسه يازيچي سي "آرنو"نون دیلی له دئسک" اوچاغ كي اؤزونوزو بير يازيچي كيمي قلمه وئريرسينيزبير يازيچي كيمي ده تنقيد اولونماغين آغريسيني و آجيسيني قبول ائدين" واوميد كي آذربايجان شعري نين ديرچه ليشي وچيچك لنمه سي له آربا بو قابيليت بيزلرده گونو گوندن يوكسك سئويه يه چاتميش اولا.

گئجه لیک                                احمد شاملو

                                             چئویره ن:بهروز صدیق

کوچه لر

      داریسقال

           توکانلار

                باغلی

                     ائولر