| تبليغات | X |
"یاخشی آدام لاردا بیر ناغیل ایدی"
بهروز صدیق
بیر نئچه گوندورکی،آغاج لارین اؤلومونو کؤورک ـ کؤورک تاماشایا اوتورموشام.کولک اسیر. یارپاقلار قاطاریندان آیریلان دورنا سایاغی بوداقلاردان آیریلاراق آتوشگه م ده جان وئریرلر.دیل سیزپاییز آخشامی دیر؛بیر ده کی من.ساعات اون بیره ایشله ییر.تلفونون زنگی ائوی چولقامیش سوکوتو پوزور.قالخیب دسته یی گؤتورورم.شاعیر دوستوم" ارسطودور".دانیشیریق.سسینده سئوگیلیسی اؤلن آدامین یانغیسی،یاریمچیلیق
سئویملی دوستوم"بابک آذری" اوچون
منی یادا سالاجاقسان
سن اورييم مئشهسينده
دؤرد فصيلده
گؤم ـ گؤي قالان
بوی بوخونلو بیر
آغاجسان.
من بيليرم
سؤز دوشنده
كؤنول آدلي بير ملكدن
مني يادا سالاجاقسان.
دردين،
كؤرپه اورييمده
قالانديقجا
قالاجاقسان.
اؤز الينله
ياراتديغين
يانا ـ يانا
آناجاقسان.
"دونياني وئره يين چوجوقلارا\هئچ دئييلسه بير گونلوگونه"سويله ديينده
چوخ حاقلي اولدوغونو اينسان بؤيودوكدن سونرا بيلير. "اينسان چوجوق دور گئريسي كيرلنمه"."اولوسو اولمايان ببك"لر و بو اؤلومسوزلوك چيچكلري ساييلان اوشاقلارين ياخشي گون ياشاسينلار دئييه گونلريني تبريك دئييب و1385 جي ايلده چاپ اولونموش" گلين گئدك گونش گيله"آدلي اوشاق شعير كيتابيمدان بير نئچه سيني بوتون دونيا اوشاقلارينا ارمغان ائديب وبير داها "منيم گوللريم سئويننن اوشاق گؤزلرينده آچار "آرزوسونا بويانيرام.
1 بهروزصديق
عمران صلاحی نین اؤلومو حاقدا بیر نئچه سطیر آغلاماق
ایسته دیکده داهی "ممد آرازین"اسر دوداغیندان قوپان دؤرد
مصراع لیق بیر چیرپینتی سی یادیما دوشور:
سوروشدوم بیریند ن شاعیرم می من؟
اؤزوم کی اؤزومو اؤیه بیلمره م
جاوابی آسانجا قوپدو دیلیندن
هله اؤلمه میسن دییه بیلمه ره م.
2
گولوردو...
اوچوردو یوواسیندان
دئييردين بلکه گؤیرچین
یاشامیردیق
اؤلوم چون.
3
بیر گؤزوم آغلاردیر
بیر گؤزوم گوله ر
سئوینین،تورپاغین
آلتیندا کی لار
4
یارغان یارالاریمیزداگولوش گولو اکمیش بیر شاعیر حاقدا
آغلاماق آغلاماق آ غ لا م ا ق......... "اؤلوم تزه خبر
دییل"دییه،آجییاراق گوله ـ گوله اوغونماغا باشلاییرام.
· بو يازي بير ايل اؤنجه "عمران صلاحي"نين دونياسيني ده ييشديگي گونلرده
· دوستوم "همت شهبازي"نين دوشرگه وئبلاگيندا درج اولونموشدو. اينديسه منيم
· اؤز وئبيمده ياييملاناراق بير داها "عمران"ي "كيچيك آديلا سسله ميش اولوروق".
a. gerynyv بلغارشعري
چئویرن:بختیار وهابزاده
"بحث"
فصیللر بحث ائتدی اوز اوزه گلدی
ـ هانسی اینسان اوچون داها گؤزلدی
قاردئدی:ـ هر شئی دن پاکام دونیادا
اینسانین ایشینه یارایان منم.
توخومون،تورپاغین یاراسینی دا
آغ آپباق تنظیف له ساریان منم.
ـ باهارام،بیر نفر وارمی دیرگؤره ن
اووسونا دوشمه سین گؤزه للییم دن.
عطیرلی چیچه یم،گولم،گولشنم،
گوزه للرگؤزه لی منم،تک منم.
ـ سنین ده داوامین منم،ای باهار،
منیم اؤزوم بویدا خیدمت لریم وار.
نور سپه ن،اود وئره ن منم دونیایا،ـ
دییه،بورکولو یای اوزقویدوچایا.
پاییزدا دانیشدی:ـ سارالیرام من
سیزین یولونوزو هئی گؤزله مک دن.