| تبليغات | X |
موغان شعري۵ بهروزصديق
جعفر قره پور(سرمد موغانلي)
گونش ايلي 1334- جي ايلده موغاندا دوغولموش. ايلك شعير كيتابي 1376- جي ايلده (سئويملي دير اؤز وطنيم) آديلا نشر اولوناراق ياييملانميشدير.(اييرمي بئش ايلليك ياراديجيليغين دؤرد ده بيرين احتوا ائدن) بو كيتابا اؤن سؤزو پروفسور" غلامحسين بيگدلي "يازاراق كيتابدا توپلانان شعيرلرين سؤزلري چيلخا توركو،ديلي راوان،فيكري آيدين وشعريتي گؤزل و بو شعرلردن آذربايجان كلاسيك شاعيرلرينين عطري ورايحه سيني دويولدوغونو سؤيله ميشدير.(سرمد) 1378جي ايلده "بابك"قالاسينين اتك لرينده ذيروه لره دوغرو يوللاناراق دؤيونن اوره يي يارالي قوش ساياغي چيرپيناراق ياشاما الوداع دئميشدير.
شوكرو ارباش 1953
صنايع دوراغي
اولدوزلار گئجه ني ياريلاميش
يول لاردا ايزسيزليگين اوزون نفسي
بورادان مينير اوتوبوسا عيني ساعات لاردا
بوينو گلينجيك ساپي، اللري ياشيندان بؤيوك
ايكي قاشي آراسينا سيغيشديرميش يورغونلوغونو
سارينديقجا آيازي آرتير بئلینده كي كوركو
ائوينه دؤنور صنايع نين كيچيك اوستاسي
جيب لري بوم بوش گؤزلرينده قور...
بوساعات دان سونرا اويويان اوشاغی
صاباح هانسي آنا اويانديرا بیلر...!
"درد داش"
توپوروم بیر بئله وارلیق دئییلن یوخلوغا من
کی منیم
و سنین
وبیزیم باختیمیزا
قانلی قارانلیق قالاییر.
درد داشیم
دردلی آنام
آغریير دردلی باشیم
سرگیلن تابوتومو
سورونوب اؤلمه یه دوغرو
یول آشیم
آغریير دردلی باشیم.
ربيقه ناظيم قيزي
آي نور اوچون
قيزيم،پالتاريني ييغ،ييغيش گئدك،
داها بورالاردا بير ايشيميز يوخ.
بيزيم اينديميز يوخ،كئچميشيميزيوخ،
بيرجه يولوموز وار اودا گله جك.
بيز گوجلو دئييليك،ضعيفيك،ضعيف،
گلر اوستوموزه داشلا آداملار.
باش آچا بيلمه ريك نه ايسته ييرلر
بو جاوان آداملار ،ياشلي آداملار.
-هارا گئده جه ييك؟- بوردان اوزاغا.
- اوردا مكتب وارمي؟- البتته كي، وار.
- بس تزه ائويميز،اوردا قالماياق؟
- بيز سيز ده او ائوده قالان تاپيلار.
داها سؤال وئرمه ،جاوابيم يوخدو،
هرگون عصبلريم ايتير بو يئرده.
داريخما ،نننه زنگ ائله ير سن،
دايينا بير مكتوب يازارسان هردن.
بسدي سؤزه توتدون،واخت يوخدو،قوزوم،
اوزون يولوموز وار اوزو قوروبا.
قيرميزي كرپيجدن ائويميز اولسا،
بير ده شيمال قيشي،بالاجا سوبا...
نئييه گئيينميرسن،گؤزله ميرم مي؟
دئييرسن، قارانليق دوشوبدو آرتيق؟
عيبي يوخ،بو گونده قالاسي اولدوق،
سحر پالتارلاري ييغيشديراريق.
قايناق: GUAM اؤلكه لري ادبياتيندان سئچمه لر کیتابیندان كؤچورولموشدور
خاطيره لر قاناديندا
موغان شعري4 (حسن معرفت) بهروزصديق
تانينميش عرب شاعيري "نزار قباني" نين شعير حاقدا گؤزل و اوره يه ياتيملي دئييمي واردير: "شعير حاقدا دانيشيق،كولدن بحث ائتمك دير نه اود دان". بو دوغروداندا بئله دير. شاعيرين اورك قاني ايله واورك دؤيونتو لريله چيلغينجا سينا چيرپان مصراع لار حاققيندا سؤز دئمك اونو تاماميله دويوب دوشونمك دئييل.!
(....)
گؤزلريم گؤلونده
چيپچالانان قان
قولاق وئر اينله سين قوي سنه داستان:
اؤلوم دادیندادیر
آغیزدا تام لار
قوشلار اوچان یؤنه
باخماز آداملار
توختاماز یارادیر
چیلپاق گونوزلر
گؤسترمز یارامی
قانلی گوزگولر.
گولوردوم
دوداغیم اوچوقلاییردی!
اؤزومسه اؤزومو
سوراقلاییردی.
توتاراق یارالی
باغریم الیندن
بیر درين دره نين
یارغانین آشدیق
اللرین قوروسون
سنین آ...ي ا و و چو
آلقانا
آلقانا
... قانا بلشديك.
اؤزدمیر آصف1981-1923
اويونلار
نه زامان
بيرکنارا آتیلمیش
پارتلامیش بیر توپ گؤرسم
عاغلیما
یاریدا قالمیش بیراویون گلیر.
اوشاقلیغیمی دوشونورم
بؤیودوگومو دوشونورم
عاغلیما
اویونون توپ سوز یانی
باشقا بیراویون گلیر.
فاضيل حوسنو داغلارجا
کؤچورن:بهروزصدیق
1914 ـجی ایلده ایستامبولدا دوغولدو.اورتا تحصیلینی قولعلی عسکری لیتسه یینده،عالی تحصلینی حربی مکتبده تامام لادی. ایستامبولدا کیتاب ائوینی یاراتدی،تورکجه ژورنال چیخاریب یایدی."هاوایا چکیلن دونیا"(1934)"اوشاق وآللاه"(1940) چاخیرین داستانی"(1945)"داش دؤورو"(1945)"اوچ شهیدین داستانی"(1949)"آنا تورپاق"(1950)"سوییه سیز یازی"(1951)"ایستقلال ساواشی" ـسامسوندان آنکارایا"(1951) "ایستقلال ساواشی ـ
شعیر صنعتی remon keno
(فرانسه)چئویرن:فیکرت صادیق
اوچ ـدؤرد سؤزو دوز یاناـیانا.
بوک یارپاغا،آت قازانا.
سونرا بیر پارچا قاناد ـ
قوش قانادی اولور اولسون،یا تویوق.
نه تاپسان آت فرقی یوخ!
بیر چیمدیک ده مودریک لیک قات!
بیر آزدا ساده لوح لوک.
بیر آزاولدوز گؤزه رتیسی،
بیر ـ ایکی ده نه تزه چیچک،
بیر آزدا داغ گؤیر تیسی،
بونلاری دا قات،قاریشدیر.
سونرا دااولا گور اوجاق چات!
بوتون بونلاری قاینات!
پیقها پیق قاینایینجا تا...
تا گئجه اولونجا یاری.
سونرادا اؤز اوره یینجه
قلم گؤتور،شعرینی یاز!
نه وار،آخی بوندان آسان؟
بوشرطله کی،دوغولاندا
گره ک شاعیر دوغولاسان.