چئويرن: بهروزصديق

          قوش اؤلمه لي دير                            

توتولوب اوره ييم

توتولوب اوره ييم

ائيوانا گئديرم وبارماقلاريمي

گئجه نين چكيلميش دريسينه چكيرم

گؤروش چيراقلاري قارانليق دير

گؤروش چيراقلاري قارانليق دير

كيمسه مني گونشه

                 تانيتديرماياجاق

كيمسه مني سئرچه لرين قوناقليغينا آپارماياجاق

اوچوشو ياديندا ساخلا

قوش اؤلمه لي دير.

       قشم نجف زاده               qeshem  necefzade

                     كؤچورن:بهروزصديق           

              köçürən: behruz  seddiq

                                                            

                                                                      

                                                                                                                                             

 آغري آغزيندا يئم اولماقدادي باغريم مله‌ييم                             

                                    قييما من بير قوزو تك چؤلده چوبانسيز مله‌ييم         

 آغلاييش اللري آتميش مني درد تنديرينه

                                     گؤز ياشيندان منه وئر گؤز ببه‌ييم، گؤز ببه‌ييم

 ايتميشم اورمان آرا، آه جاناوار قورخوسو وار

                                      گل كي وارليق ديله‌يين، اوركك اوركده بله‌ييم

 هئچ منيم آغليما سيغمازدي گؤزل گولشن آرا

                                        ياشلارين قانلي الينده بئله درد ايلمه‌له‌ييم

 شيغيييب ايلديريمين بوز سسي ووُرسا آغاجي

                                    من آغاجليق باشي اوسته گره‌ييمدير ال، اييم

 هايلا سن هايلا مني، اي دلي سوْي آرزولاريم

                                     كيم گونش‌لر بولاغين قانلي گؤزومله چيله‌ييم  .

 

           آجلیق                                                    

                  آجلیق                             

                      آجلیق.

                         شعره سیغمادی...

                  كؤچورن : بهروز صدیق

 *يازيچي سؤيوشو:- سني گؤروم هميشه آدين كيچيك حرفله يازيلسين.

 *تصوور ائله يين كي، شه هرده آليشقان و كيبريت لر بير گونلوك يوخا چيخيب و بو شه هرده هامي آخشاما كيمي سيگارئتي بير بيريندن يانديرير.

 *سوژئت بئله دي:اوچ دئتئكتيو قاتيلي آختارير. لاكين قاتيل اونلاردان بيريسيدي. عملياتا مانع اولماق اوچون او چوخ شئي لر تؤره دير. مثلا:يئكه آغاجدان آغ بير آتي،يوغون زنجيرله آسيب اؤلدورور. ايكي دئتئكتيو اؤز يولوندا ،ظولمت گئجه ده ،آسيلان آغ آتي گؤروب دهشته گلير لر...

 *ايكي- اوچ ياشلاريندا بالاجا اوغلان تله سه – تله سه آتاسينا دئييردي:آتا، شالواري نه قه در يوخاري چكيرم دايانمير،اينيمدن ييخيلير...

 *كيتاب ياغيشي...

 * او، گولمك ايسته دي،آنجاق بونون نئجه اولدوغونو يادينا سالا بيلمه دي.

 1                               

     آلچاق دووار آلنیندا من

                   بوز بولوگه

                            اوخشاییرام.

                             سئوینج

                                 سووا

                                 گؤرکمیمه.

 2

     ايشيقلار يوردونا

               قوناق گئديرم

گؤزومده كاينات

           نورلو گؤرونسون.