ها وا سئرچه اییسی وئریردی،

یئرسه اوچوش و بالیق.

پنجره نین قیراغینا گلدیم کی

سما اولا ،بیر من اولام،و باخیش.

 

سؤیله دیم گونشه پار- پار پارلاسین،

اؤپوش لر یاغیشین یاغدیر سین منه.

يازين كوله يينه سؤیله دیم کی من،

ال قول آچیب اویناماغین باشلاسین.

 

منیم گؤزلریمه اؤپوش ووروردو

گول گونشین ایستی گولو، کوله ک ده.

سئوینیردیم پنجره نین یانیندا،

هاوا ایسه سئرچه اییسی وئریردی.

قايناق: بوي كال ياس