حسن لطيف ساري يوجه 1929

من خسته ايكن

من خسته ايكن آنام

گؤي اوزو

يئنه

ماوي ماوي گولومسه دي مي؟

من خسته ايكن آنام

بولودلار

يئنه

كؤلگه داشيديمي اوزاقلارا؟

من خسته ايكن آنام

قوشلار

يئنه

كئچديمي ائويميزين اوستوند ن؟

من خسته ايكن آنام

كؤرپه لر

يئنه

بؤيودومو آنالاري اؤپركن؟

           بئهجت آیسان(تورکیه)

                       كؤچورن:بهروزصديق           

1949جی ایلده آنکارادا دوغولوب. 1968جی ایلده آنکارا یونیورسیته سینین طب فاکولته سینه داخیل اولوب ،1971جی ایلده سیاسی سبب لردن حبس ائدیلیب.حبس دن چیخاندان سونرا طب تحصیلینی تاماملاییب. ایلک شعیری1979جی ایلده"تورک دیلی"ژورنالیندا چاپ ائدیلیب.

                  آلن بوسكه

                                  (فرانسه)

آيا اينانان

قشنگ آي- اوغلان

آيلي گئجه ده

ساي اؤيره نير دي:

"ايكي خريطه"

"ايكي چار پايي"

اوست- اوسته گلسه

"بئش دير"- دئييردي.

 ترجومه و قئید لر: مسی آغا محمدی

                      كؤچورن :  بهروزصديق              

  " مودئرن "  سؤزو اؤزونون ايشلک و عادي معناسيندا  " موعاصير "  آنلاميني وئرديگي اوچون  " پوست مودئرنيزم "  ايصطيلاحي لاپ اولدن علمي-فانتاستيک حئکايه لرين کلمه لري کيمي خيالي تاثير باغيشلايير. نئجه دئمک اولار کي، حال-حاضيردا و ايندي مؤوجود اولان شئي  " اينديدن سونرا " 1 گله جکدير؟ پوست مودئرنيزمده کي  ائکسپئريمئنتال اووقات و اونون هر شئيين آبسورد اينکارينا مئيللنمه سي باره ده تصوورات بئله بير ضيديتلي تصوور دوغورور کي، گويا پوست مودئرنيزم مومکونسوز شئي لردن بحث ائدير. بير کسين  " من پوست مودئرنم "  دئمه سي عئينن کيمينسه  " من يوخويام "  سؤيله مه سينه بنزه يير. اولا بيلر کي، بئله بير شئي باش وئرسين، آمما بونون معناسي ندير؟ شوبهه سيز،  " مودئرنيزم "  سؤزونو  " مودئرن "  کلمه سي نين يئرينه قويوب، ايضاح ائتسک کي،  " پوست مودئرنيزم "  دئديکده، بيز داها چوخ اينجه صنعت ساحه سينده مؤوجود اولان خوصوصي بير جرياني و تاريخي بير پروسئسي نظرده توتوروق، اوندا بو آنلاشيلمازليق آرادان قالخار. بونونلا بئله، اگر مئسله نی بو جور آيدينلاشديرميش اولساق دا، يئنه  " پوست مودئرن "  و  " پوست مودئرنيزم "  سؤزلري غريبه  سسله نير.  " پوست مودئرنيزم "  سؤزونو نه قدر چوخ ايشله ديريک سه، اونون معما لاریلا بير او قدر چوخ قارشيلاشيريق. 

       قشم نجف زاده               qeshem  necefzade

                     كؤچورن:بهروزصديق           

              köçürən: behruz  seddiq

                                                            

                  كؤچورن : بهروز صدیق

 *يازيچي سؤيوشو:- سني گؤروم هميشه آدين كيچيك حرفله يازيلسين.

 *تصوور ائله يين كي، شه هرده آليشقان و كيبريت لر بير گونلوك يوخا چيخيب و بو شه هرده هامي آخشاما كيمي سيگارئتي بير بيريندن يانديرير.

 *سوژئت بئله دي:اوچ دئتئكتيو قاتيلي آختارير. لاكين قاتيل اونلاردان بيريسيدي. عملياتا مانع اولماق اوچون او چوخ شئي لر تؤره دير. مثلا:يئكه آغاجدان آغ بير آتي،يوغون زنجيرله آسيب اؤلدورور. ايكي دئتئكتيو اؤز يولوندا ،ظولمت گئجه ده ،آسيلان آغ آتي گؤروب دهشته گلير لر...

 *ايكي- اوچ ياشلاريندا بالاجا اوغلان تله سه – تله سه آتاسينا دئييردي:آتا، شالواري نه قه در يوخاري چكيرم دايانمير،اينيمدن ييخيلير...

 *كيتاب ياغيشي...

 * او، گولمك ايسته دي،آنجاق بونون نئجه اولدوغونو يادينا سالا بيلمه دي.

 "  بختيار وهاب زاده" نين آذربايجان تئلويزيا سي نين امکداشیلا صؤحبتي                      

                   كؤچورن : بهروزصدیق

صؤحبتيميزه اؤز مصراع لارينيزلا باشلاماق ايسته ييرم.

 عؤمرومو شعر اودونا

اريتديم گيله- گيله

بو يولدا قارا ساچي

ده يشديم آغ ساچ ايله.

 بو افتخار دير يوخسا تاسوف؟ تصور ائدك كي بير معجزه باش وئردي، ايللر گئري دؤندو،بو آغ ساچلار قارالدي،سيز گنجليك چاغلارينيزا قاييتدينيز،ايلك شعرينيزي يازديغينيز چاغلارا.

ادبياتدان انتيحارا

  Nergiz cabbarli

كؤچورن:بهروزصديق

                           " انتحار" آدلي سوال

 سواللار و جاواب واريانتلاري... ياناشمادان آسيلي اولاراق، اونلار دوغرو دا اولا بيلر، يانليش دا... مگر قويولوشو سهو سواللار و يا يانليش جاوابلار راستينيزا گلمه ييب؟! يوخسا اؤزونوز اونلاري هئچ زامان وئرمه ميسينيز؟! 

  طبيعي کي وئرميسينيز... هاميميز کيمي. چونکي بو حياتين اؤزو سوال-جاواب اويونو اوزرينده قورولوب. دوغولوشوموزدان -دونيايا گليشيميزدن اؤلوموموزه قدر... آما... فرقلي شکيلده قويولان سواللارا وئريلميش فرقلي جاوابلار اوزرينده... هامي عئيني جور دوشونمور آخي. اگر بئله اولماسايدي، دونيانين يارانيشندان، اينسان اؤولادي نين يئر اوزرينده مؤوجود-لوغوندان باشلاياراق بوتون حياتي سواللارا بو قدر فرقلي جاوابلار مئيدانا چيخمازدي - ديني، فلسفي... 

ربيقه ناظيم قيزي

آي نور اوچون

قيزيم،پالتاريني ييغ،ييغيش گئدك،

داها بورالاردا بير ايشيميز يوخ.

بيزيم اينديميز يوخ،كئچميشيميزيوخ،

بيرجه يولوموز وار اودا گله جك.

بيز گوجلو دئييليك،ضعيفيك،ضعيف،

گلر اوستوموزه داشلا آداملار.

باش آچا بيلمه ريك نه ايسته ييرلر

بو جاوان آداملار ،ياشلي آداملار.

-هارا گئده جه ييك؟- بوردان اوزاغا.

- اوردا مكتب وارمي؟- البتته كي، وار.

- بس تزه ائويميز،اوردا قالماياق؟

- بيز سيز ده او ائوده قالان تاپيلار.

داها سؤال وئرمه ،جاوابيم يوخدو،

هرگون عصبلريم ايتير بو يئرده.

داريخما ،نننه زنگ ائله ير سن،

دايينا بير مكتوب يازارسان هردن.

بسدي سؤزه توتدون،واخت يوخدو،قوزوم،

اوزون يولوموز وار اوزو قوروبا.

قيرميزي كرپيجدن ائويميز اولسا،

بير ده شيمال قيشي،بالاجا سوبا...

نئييه گئيينميرسن،گؤزله ميرم مي؟

دئييرسن، قارانليق دوشوبدو آرتيق؟

عيبي يوخ،بو گونده قالاسي اولدوق،

سحر پالتارلاري ييغيشديراريق.

قايناق: GUAM اؤلكه لري ادبياتيندان سئچمه لر کیتابیندان كؤچورولموشدور

شعیر صنعتی                                      remon keno

                                           (فرانسه)چئویرن:فیکرت صادیق

اوچ ـدؤرد سؤزو دوز یاناـیانا.

بوک یارپاغا،آت قازانا.

سونرا بیر پارچا قاناد ـ

قوش قانادی اولور اولسون،یا تویوق.

نه تاپسان آت فرقی یوخ!

بیر چیمدیک ده مودریک لیک قات!

بیر آزدا ساده لوح لوک.

بیر آزاولدوز گؤزه رتیسی،

بیر ـ ایکی ده نه تزه چیچک،

بیر آزدا داغ گؤیر تیسی،

بونلاری دا قات،قاریشدیر.

سونرا دااولا گور اوجاق چات!

بوتون بونلاری قاینات!

پیقها پیق قاینایینجا تا...

تا گئجه اولونجا یاری.

سونرادا اؤز اوره یینجه

قلم گؤتور،شعرینی یاز!

نه وار،آخی بوندان آسان؟

بوشرطله کی،دوغولاندا

گره ک شاعیر دوغولاسان.

قار ﺩﻧﻪسينين سرگوذشتي

یازان : صمد بهرنگي                  كؤچورن: بهروز صديق