ييخيلديم ياشامي

             گؤز ائيوانيمدان.

اوندا کی ائشیتدیم

اومودسوزجاوان

سئوگی سیز،

        چؤرک سیز،

وارلیغی یاوان

خیابان- خیابان

بؤیره یین ساتماغا

                 آدام آختاریر.!

 

ییخیلدیم

      ییخیلدیم

           دوردوم

                  ی

                    ی

                      خ

                      ي 

                       ل  

                         د

                          ی

                              م

چاپیلدی گؤزومون

              یاشیلا تورپاق

آغری لار کؤکسومو

دئشدی

      تاق...

      تاراق...

یاغیشین  

       آلتیندا

        صف ده

           دوراراق

گؤزونده آغري نين یووالانماسی

                        - یاخیلیب یانماسی آلوو لانماسی-

 

      داریخا- داریخا

        صاباحا گئدن

بيرآنا دا گؤردوم

ساچلاری ایسلاق

من نه لر ائشیدیب

نه لر گؤرمه دیم!

 

          قونشودا

           بیر قیزدا

         اؤزون اوتدادی.!