آلن بوسكه
(فرانسه)
آيا اينانان
قشنگ آي- اوغلان
آيلي گئجه ده
ساي اؤيره نير دي:
"ايكي خريطه"
"ايكي چار پايي"
اوست- اوسته گلسه
"بئش دير"- دئييردي.
آيا اينانان
قشنگ آي- اوغلان
ديرماندي داما.
"باخ،بو بير باجا".
"بو دا بير باجا"
سايدي اونا جان.
بو دا بير باجا
اون اوسته گل بير
"ائله يير قيرخ بير".
آيا اينانان
قشنگ آي- اوغلان
گؤردو ائولرده
پنجره لر وار.
"بو ياندا اون بئش"
"او ياندا اون دؤرد"،
جمع ائله ينده
"اوتوز بئش اولار".
آيا اينانان
قشنگ آي- اوغلان
دوز توپلاميرسان
بو نئجه ايش دير،
بير ديللنسنه!
آي- اوغلان دئدي:
"بو جاوابلاري
آي دئيير منه"
سن بير آيا باخ!
اونا دئيين كي
چكيليب ياتسين،
قالماسين اوياق.
آخي دونيادا
هر يئرده، هر واخت
ايكينين اوسته
ايكي گلنده
دؤرد اولور آنجاق.
نه دوققوز ،نه اون
نه بئش اولاجاق.
قايناق:"طالئعين آجيغينا" كيتابي فيكرت صاديق.